Shahid Kabeer

KHAJAANA

Gam kaa khajaana teraa bhi hain meraa bhi
Ye najaraana teraa bhi hain mera bhi

Apane gam ko geet banaa kar gaa lena
Raag puraana teraa bhi hain mera bhi

Shahar mein galiyon mein jisakaa charchaa hain
Wo afsaana tera bhi mera bhi

Tu mujhako aur mein tujhako samjhayen kyaa
Dil deewana tera bhi hain mera bhi

Maykhaane ki baat na kar mujhse waeez
aana janaa tera bhi hain mera bhi

- Shahid Kabeer

Meanings : Najaraana = Uphaar, Gift; Maykhaana = Madiralay, Liquor shop; Waeez = Salaahakar, Advisor